الأهلي اليوم : لا يهزم لاسارتي سوى لاسارتي هي اصدق ما قيل عن الاوروجوياني . لاسارتي اوقات كتير بيصعب الامور بنفسه على نفسه وبيرجع يحل التعقيدات دي تاني . ومش كل مرة هتلحق ترجع اوقات كتير هيكون الخطأ ببطولة زى ما حصل فى دوري الابطال

الأهلي اليوم : الأهلي يتطور هجوميا ودفاعيا

الأهلي اليوم : الاهلى بيواصل كونه افضل فريق فى مصر بيخلق فرص واسرع فريق بيوصل لمرمى المنافس ولكن الاهلى سئ جدا فى ترجمه الفرص دى لاهداف . وبنصعب الأمور على نفسنا . للاسف بيساعد على دة ان عندك لاعبين ال Finishing عندهم فيه مشكلة بس ازارو دة كان هداف الدوري والشحات كان معدل دقته على المرمى مع العين استثنائي وجيرالدو اكتر لاعب بيعمل محاولات على المرمى هرجع اقول واكرر ايوة المدرب له دور فى انهاء الهجمة ولازم يشتغل عليه  22 محاولة منهم 9 On Target وهدف وحيد بصعوبة ومباراة كنت ممكن تخسر فيها الدوري

الأهلي اليوم : دفاعيا أمام سموحة  الأهلى قدم مباراة مميزة جدا . افضل مباراة للرباعي الخلفي من بداية الدوري 3 لاعبين من رباعي الدفاع هما اكتر 3 لاعبين فى الاهلى استخلاصا للكرة . ايمن اشرف 21 . على معلول 19 ياسر ابراهيم 18

الأهلي اليوم : جيرالدو يحتاج للثقة

الأهلي اليوم : لاسارتي اخطأ لما مبدأش بجيرالدو اللى نزل صنع له الفارق قدام النجوم وصنع هدف مهم جدا ، جيرالدو مش لاعب Class A ومقتنع كمان انه عنده عيوب فى القرار امتى يراوغ وامتي يسدد ومقتنع ان أجانب الأهلى لازم يبقوا سوبر وبقول دة . بس ايه اللى يمنع إن جيرالدو ياخد حقه . ايوة اللاعب اكتر لاعب ساهم فى اهداف للاهلى من يناير شارك فى 9 اهداف صنع 6 وسجل 3 واكتر لاعب فى الاهلى محاولات على المرمى من يناير . هل يعيبنا اننا نقول دة ! .