الأهلي نيوز : النادي الأهلي على مدار مواسم متتالية بيدفع ثمن تنظيم سئ للمسابقة وتلاحم المواسم بدون أي مساحة تسمح بفترة اعداد محترمة تحط فيها احمال تدريبية وتشتغل على مشروع المدير الفني صح والنادي الأهلي هو المتضرر الأكبر بحكم انه اكتر نادي مصري بيكمل لمراحل متقدمة في المسابقات المختلفة. ودة انعكس على الاهلي في اصابات واضرار كتير جدا اثرت علينا في توقيتات حاسمة في بطولات مهمة. تخيل ان من ١ / ١ / ٢٠١٧ نادي زي الأهلي لعب ١٤٣ مباراة في المقابل في نفس الفترة الزمالك اقرب فريق له لعب ١٢٧ مباراة يعني الفارق ١٦ مباراة ودة في الكورة عدد كبير جدا بين فريقين دة كانك لعبت لوحدك دور كامل من الدوري ازيد.
الأهلي نيوز : اعترضتوا لما اتعادلتم مع الاسماعيلي ؟
الأهلي نيوز : مش حقيقي لان التشاور مع لجنة المسابقات كانت نتيجته ان هيتم تحديد جدول الاسابيع المتبقية على ضوء نتيجة الزمالك والنجم الساحلي والعودة كانت في ٥ مايو وبعدها استمر الزمالك في البطولة وبالتالي هيتم الاعلان عن الجدول في ضوء الوضع دة والأهلي مصدرش منه اي تحرك غير بعد الاعلان عن جدول الفضيحة والعار التاريخي الشهير بجدول (او ، او ) الحرس او الجونة
