الاهلى الان / ألعاب أخرى
ألعاب أخرى
مازال نزيف الدماء مستمر على طريق السويس بسبب السرعة الجنونية
حوادث بتحصل كل يوم علي الطريق يا اما عربيه تكسر علي اللي راكب العجله و اللي راكب العجله يقع والعربيه تمشي وملهاش دعوه باللي حصل كأن واخدين الطريق لحسابهم وليهم لوحدهم ولا اللي راكب عجل عارف يمشي ولا اللي ماشي علي رجله عارف يمشي. امتي حنبقي بلد متحضره وعارفين آداب الطريق امتي مش حيبقي في كل يوم دم في شارع بسبب شخص اهوج و عديم المسؤليه ماشي بطريقه جنونية ومش خايف علي ارواح الناس حصلت حدثه من كام يوم شباب بتتمرن بالعجل علي طريق السويس شادي و اصحابه وقفو علي اليمين الطريق واليمين كان فيه رمل اذا بقي نتفاجئ عربيه ماشيه بسرعه جنونيه و العربيه دخلت في شادي شادي كان لابس خوذه انقسمت نصين من قوة الخبطة العجلة كان محطوط عليها فلاشارات اماميه وخلفية للعجلة انوار شادي كان واقف في مسار العجل الموجود علي طريق مصر السويس، واللي هو المفروض مخصص للعجل ولكن الشباب بتستغلها انها تعمل غرز بالعربيات ولا كانه جزء من طريقهم شادي حصله كسور مضاعفة باماكن متفرقة بالجسم وهتحتاج عمليات كبيرة حنفضل ساكتين كتير للي بيحصل في الشارع ده والنزيف اللي بيحصل كل يوم. اكتر ناس واخده بالها من طريق و اللي واخدين طريقهم مظبوط هما اللي بيبقو راكبين عجل عاملين احتيطات الأمان بتاعتنا. عايزين عقاب رادع للي بيسوقو العربيات بشكل المستهتر ده ومش خايفين علي ارواح الناس عايزين طرق متأمنه و طرق مخصصه للعجل عايزين يبقي لينا الحق اننا نبقي ماشين متطمنين ومرتاحين في الطريق من غير ما نكون خايفين ومن ما يكون عيلتنا خايفين علينا عايزين حل
تعليقات
اقرأ ايضا
