دافيد بهاء سمير مواليد ١/١٠/١٩٩٦ بدأت العب شطرنج في سن ١٠ سنين. جدي علمني الشطرنج لان دي الحاجة الوحدة اللي كنت بقدر اعملها لاني ماكنتش بتحرك وبدأت اقدر امشي على سن ١٢ سنة. قابلت تنمر كتير وقررت اني اثبتلهم اني اقدر اتفوق عليهم في رياضة محتاجة مجهود ذهني وذكاء مش مجهود عضلي. جدي توفي في الفترة دي وماكانش في حد يكمل تعليمي الشطرنج لان والدي ووالدتي مش بيعرفوا يلعبوا. قررت اني مش هقف مكاني وبحثت على الانترنت واتفرجت على يوتيوب كتير وعلمت نفسي بنفسي لحد ما اتقنت الشطرنج ودخلت بطولات كتير. قابلت في البطولات كابتن يوسف نادر عضو تحكيم في البطولات وكابتن احمد عدلي بطل مصر وافريقيا في الشطرنج وتحمسوا ليا وساعدوني ودربوني علشان اكون احسن واتفوق اكتر. والدي ووالدتي وقفوا جنبي وكانوا دايما بيشجعوني ويقولولي اني اقدر اعمل اي حاجة عايزها بالإرادة واني مالتفتش للناس المريضة اللي بتقلل مني. لسه بقابل تنمر كتير في حياتي بسبب اني مش بمشي كويس لكن مش بيفرق معايا لاني عارف اني اقوي منهم وهمه حاسين بضعفهم علشان كده بيحاولوا يقللوا مني. بنصح كل واحد يخلي عنده ثقة في نفسه ومايلتفتش للتعليقات الهدامة اللي بتقلل منه لان كل واحد مننا جواه طاقة ايجابية يقدر يستخدمها في تنفيذ اللي هو عايزة بالإرادة القوية.

استضافة بطولة نادي سينيت الدولية الأولى للشطرنج السريع

والتي استضافها فرع النادي A  ظهر أمس السبت، بمشاركة 130 لاعبا من مختلف الأعمار سن مفتوح  تحت رعاية الاتحاد المصري للشطرنج، وامتدت منافساتها على مدار اليوم لتحديد الفائزين.