الاهلى الان / ألعاب أخرى
ألعاب أخرى
كابتن تقى مجدي تتحدث عن مشوارها في نادي سكة الحديد داخل كرة السلة : الصور
ألعاب أخرى / الاربعاء 15 سبتمبر 2021
اسمي تقى مجدي مواليد ٢٠٠٥ بلعب حاليا ١٨ سنه مركزي في الملعب قطر ٢و٣ رقمي ٢٠ لعبت باسكت من حوالي ٥ سنين وبجد اكتر لعبه اثرت فيا واتعلمت منها حاجات كتير اوي منها اني مينفعش ابقا انانيه في الملعب وامتا الانانيه تنفع وامتا متنفعش اتعلمت التعاون مع الفرقه بدأت باسكت خالص في نادي مصر للبترول كنت بتمرن اكاديمي مع كذا كابتن وبعدين دخلت فرقه تحت ال ١٦ مع كابتن احمد السيد مكملتش هناك كتير وروحت نادي السكه الحديد كملت ال ١٦ مع كابتن محمد مغيث وبعدين كابتن مصطفي حسني محصلش نصيب اني اكمل هناك وروحت نادي اتحاد الشرطه فرقه ١٨ مع كابتن محمد مغيث حاليا انا مكمله هناك يعتبر من احسن الفرق الي انضميت ليها وكابتن محمد مغيث طبعا ليه فضل علينا اتعلمت معاه حاجات كتير اوي ومستوايا اترفع شويه دا كفايه تعبو معانا ف التمرين واد ايه هو مهتم بي الفرقه  جالي انتقادات كتير اوي من لعيبه وكباتن اني مستوايا مش كويس واني مينفعش اكمل وحاجات كتير بس انا واخده الباسكت كرياضه مفضله مش كتفريغ وقت ومن كتر منا بحبها فعلا بحاول اضغظ علي نفسي عشان ابقا احسن ومستوايا كويس اه لعبت كذا رياضه قبل كدا بس حقيقي الباسكت الوحيده الي كملت فيها ومبفكرش ابطلها واللعب غيرها 
وبجد احب اشكر اووي كابتن احمد ميسرا مع اني متمرنتش معاه قبل كدا بس كفايه تشجعيو ليا ودايما بينصحني 
ومامتي طبعا الي دايما مشجعاني
تعليقات