الاهلى الان / ألعاب أخرى
ألعاب أخرى
قصة كفاح .. ايمان حمدي بنات بـ 100 راجل داخل كرة طائرة : الصور
ألعاب أخرى / الجمعة 26 نوفمبر 2021
اسمي ايمان حمدي محمد مواليد ١٩٩٦ خريجة كلية اداب لاعبة ڤولي في نادي الحوار فريق الدرجة الاولى بدايتي كانت في الحوار من ١٢ سنه كنت بلعب مركز ٢ والحمد لله لقيت نفسي في اللعبة دي برغم ان من الحاجات الصعبة اللي كانت بتواجهني في البداية ان انا شولة وكنت دايما محتاجة اعكس بعض التوجيهات في استايل اللعب اللي بتتقال لباقي اللعيبة ،لكن دلوقتي بقت بالنسبالي ميزة وبحاول استغلها روحت بعد كدة لعبت في استاد المنصورة ٣ سنين ورجعت تاني الحوار السنة اللي فاتت بلعب حاليا مركز ٤ زي ما كنت بلعب في المدرسة وفي منتخب الجامعة اتصابت في كتفي السنة اللي فاتت وفضلت سنه مبلعبش اتعالجت وعملت تأهيل علشان ارجع تاني وبفضل ربنا رجعت الحمد لله اكمل ولسا هكمل ان شاء الله لحد ما ابقى احسن وبجتهد على اد ما بقدر علشان اقدر اوصل لأعلى مستوى وألعب في نادي أكبر ،طبعا بابا دايما هو اللي بيشجعني وبيدعمني وله الفضل الاول عليا بعد ربنا ،وعمري ما انسى كابتن محمد عبده انه علمني حاجات كتير في بدايتي ممتنة ليه وممتنة لكل كابتن اداني من خبرته ونصيحته
تعليقات