الاهلى الان / اخبار محلية
اخبار محلية
قصة نور إسلام مثال على الكفاح والتصميم : الصور
نور إسلام مواليد ١٩٩٧
كنت لاعبة في نادي ٦ أكتوبر من ٢٠٠٢ حتي ٢٠١٨
من سن ٥ سنين وانا بجرب كل الالعاب الرياضية لحد ما استقريت علي كرة اليد
لعبت فيها مع كباتن كبار مش بس علموني اللعبة.. لا كمان كانوا ليهم فضل في تربيتي الحمد لله
مثلي الاعلي كانت مروة عيد طبعا اللاعبة المصرية المحترفة في فرنسا
واللي بيقول ان الرياضة بتاخد الطفل من التعليم غلطان.. كرة اليد تقريبا ليها الفضل بعد ربنا اني أجيب ٩٤٪ في الثانويه العامة لانها كانت بتنظم وقتي و بطلع فيها كل الطاقة السلبية
وانتهي المشوار بعد اصابات كتير اوي اخرها عمليتين في الركبة الحمد لله صليبي وغضروف
كان حلمي اني أكمل في اللعبة اكتر من كدة
بس اكيد ان شاء الله هورثها لأولادي عشان هي مش مجرد لعبة هي مدرسة أخلاق و مهارة و كل حاجة حلوة
تعليقات
