الاهلى الان / اخبار محلية
اخبار محلية
كل ما تريد معرفته عن لقاء مع سارة عبد المجيد مدربة جمباز وأيروبيك داخل موقع الاهلي الان : الصور
إسمى سارة عبد المجيد
مدربة جمباز وأيروبيك
حلمى إنى فى يوم أكون مدربة منتخب مصر، وهوصله
صحيح أنا لسه طالبة فى كلية تربية رياضية بنات جامعة حلوان، لكن عندى من الخبرات اللى بدأت معايا من سن صغير أوى
والدى عودنى من صغرى على التميز، وربانى على إن حلمى مايبقاش ليه حدود، ومهما طار أطير وراه وأجيبه.
بدأت كلاعبة كونغ فو، وبسرعة بقيت مساعدة المدرب وأخدت ميداليات وشهادات تقدير كتيرة جدا، شاركت فى معظم بطولات القاهرة، وأخدت معظمها، سواء كلاعبة أو مساعدة مدرب
ودلوقتى توجت نجاحى بإنى فتحت طريقين
الأولانى إنى بقيت واحده من مدربات السباحة المتميزين وبالذات فى العلاج المائى وذوى الحالات الخاصة، قريت كتير وحضرت ندوات وشوفت فيديوهات ودرست حالات لحد ما تمكنت من التميز فى النوع ده من التدريب.
والطريق التانى واللى ناوية أكمل فيه هو الجمباز، أنا مصنفة وبناتى اللى دربتهم حصدوا ميداليات وكالعادة قدرت أحفر إسمى مش بس فى عقول متخصصى اللعبة لكن كمان فى قلوب المتدربات
نصيحتي لكل الناس .. خليك ورا حلمك، هتحققه
تعليقات
