الاهلى الان / اخبار محلية
اخبار محلية
قصه كفاح .. ساره محمد عيد .. الحلم والاصرار والعزيمه يولد النجاح داخل رياضة : الصور
الاسم: ساره محمد عيد
السن : 22 سنة
طالبة بالفرقة الرابعة بكلية تربية رياضية بنات جامعة حلوان تخصص تعليم
دخولي تربية رياضية دا من أكتر الحاجات الحلوة اللي ربنا كرمني بيها على الرغم من أنها من الكليات الصعبة اللي بتحتاج مجهود بدني كبير وإصابتها مش بتخلص بس هي فعلاً متعه للي يحبها.
حصلي ظروف في ثانوية عامة وعدت السنة كنت شايفه نفسي فاشله ومش هعرف اعمل حاجه بس النتيجة طلعت ولاقيت نفسي بقدم اختبارات تربية رياضية والموضوع كان ماشي بسهوله جداً وبعدي من اختبار لاختبار بسهولة ودخلت الكلية ومكنتش متخيلهاا كده لاقيت نفسي مش بعمل حاجه غير انى مركزه في الكلية علشان خايفه أفشل تاني واتعلمت منها حاجات كتير اوى وحبتها جداً وعمري ما ندمت انى دخلتها ، ونجحت والحمدلله كنت بنجح كل سنة بتقدير كويس ودخلت سنة تانية وبدأت اشتغل واشيل نفسي مع الدراسة اشتغلت في مجالات كتير بس حبيت الجمباز والشغل مع الاطفال بدأت في مركز شباب الجزيرة وروحت أماكن كتير وبدأت أتعلم وأتطور من نفسي من مدارس لفرق وإيروبك ونفسي افتح اكاديمية خاصة بيا وانهارده بكتب سطوري الأخيرة في حياتي الجامعية وبتقدم في شغلي يوم بعد يوم..
اتمنى ربنا يكرمني كمان وكمان زاي ما هو بيكرمني ديماً وكان نفسي بابا يكون موجود ويشوف كل حاجه حلوة بوصلها بسببه بس أنا حاسه بيه واتمنى انى ارفع رأسه و يكون فرحان وفخور بيا...
تعليقات
