الاسم: سهيلة حجازى عبدالعظيم

السن:20

مواليد:2002

السنه الدراسيه:طالبه فالفرقه التانيه كلية التربيه الرياضيه

حلمى: عندى حلمين اول واحد انى اكون اخصائية علاج طبيعي و التانى اكون مدربة جمباز معروفه و شاطره

مكنتش اعرف حاجه عن الكليه قبل م ادخلها و مكنتش بلعب رياضه خالص ولا بتحرك كتير و دخلتها عشان ادخل قسم علاج طبيعى وبعدين عرفت انه اتقفل بس ممكن اخد كورسات عادى و لعبت كذا حاجه بعد م دخلت الكليه زى السباحه و الباركور بس اكتر حاجه حبيتها الجمباز ف قررت انى هأجل الكورسات لأخر سنه و دلوقتى مركزه فالجمباز لانى حبيته جداا و قررت اشتغل فيه ف نزلت من سنه كده تدريب فى مركز شباب الجزيره بس مكملتش فيه كتير و بقالى 8 شهور بشتغل فى نادى النصر الرياضي و بشتغل بردو فى اكاديمية عالم الرياضه

انا فالاول زعلت على مجموع ثانويه عامه بس انا دلوقتي راضيه و مبسوطه جداا لان فعلا ده كان خير ليا و لولا ده مكنتش زمانى بشتغل فى مجالى من وانا فى سنه اولى و اهلى فخورين بيا ف بجد مفيش حاجه بتحصلنا غير لما بتكون خير لينا و مينفعش نستسلم انا ساعات كتير لحد دلوقتي بحس انى مش هعرف اكمل و مش هعرف ابقى شاطره بس بكمل و بحاول اجتهد دايما

انا دلوقتي بحاول اشتغل على نفسى عشان كمان اعرف شغل الفرق و اطور من نفسى فى شغل الجمباز اكتر