الاهلى الان / ألعاب أخرى
ألعاب أخرى
حمدي الزعيم الاعب الكونغ فو : حلمي امثل بمنتخب مصر فى اوليمبياد و تحقيق الرقم القياسي فى العالم : الصور
الاسم : حمدي عظيم
السن : 16 سنه
مواليد :2005
السنه الدراسيه : طالب في الصف الأول الثانوي
حلمي : اكون بطل العالم 5 مرات في الكونغ فو و أكون السبب في شهره الرياضه دي عشان فعلا هي رياضه من رياضات الفنون القتاليه المؤثره ومش واخده حقها
الهوايه : الفنون القتاليه بشكل عام والكونغو فو بشكل خاص
بدأت اتدريب كاراتيه من وانا عندي ٧ سنين وكنت الحمدلله من المتفوقين في اللعبه لاكن سيبت التدريب بسبب كلمه قالها لي المدرب وروحت بعدها اتمرن كره قدم ثلاث سنين وبعد كده سبتها وهعرفكم سبتها لي فيما بعد ومن هنا بدأت بقي حياتي تتغير من اول ما سبت الكوره وبدات اتمرن كونغ فو
كان ليا قصه مع الكونغ فو من اول ما بدأت اتمرن لحد دلوقتي أنا لسه بعيش التجربه دي ممكن انقلهلكم زمان كان عندي نوع من الخوف في الشارع بمعني اني كنت اخاف من التعرف علي أشخاص جديده كنت بخاف من مشكال الشارع كنت بسيب حقي لو حد مثلا اعتدي عليا بالضرب كنت ممكن مردلوش الي عملو واسيبو وامشي مكنش عندي ثقه بالنفس كانت مدمره ع الآخر وده السبب الرئيسي الي خلاني اسيب كره القدم و بدأت اتمرن كونغ فو وفي أول ٦ اشهر بالظبط بدأت احس بتغير في شخصيتي كنت في الاول بروح التمرين زي زي اي شخص عادي بعد كده مستوايا ارتفع في التمرين وبعدها ب فتره قصيره حفظت التمرين وكنت بتمرن في البيت لوحده عشان ارفع من مستوايا بعد اول سنه تمرين الكابتن بتاعي ( كابتن سيد حسن )ربنا يخلي ليا حاول أن يعزز ثقتي في نفسي اكتر وخلاني أمرن اللعيبه من هنا بدأت احس بنفسي تاني بقي واني بقيت انسان جديد مكنتش اتخيل في حياتي أني ممكن اقف قدام مجموعه كبيره من الاعبين وقدام أولياء أمورهم واقدر اقف وافرض شخصيتي عليهم بدأت احتك بالشارع و اتعرف ع ناس جديده بكل سهوله بقي عندي ثقه في النفس عاليه شخصيتي اتغيرت ٣٦٠ درجه بمعني الكلمه حتي اصحابي كلهم الي كنت اعرفهم استغربوا من ده وبدا يسيبو لعب الكوره واتجهوا للفنون القتاليه بسبب التغير الملحوظ الي لاحظوا في شخصيتي الكونغ فو زادت من احترامي لنفسي زادت من احترام الناس ليا خلي كل الناس تحترمني وتحبني وعايزه تقرب مني مبقاش حد يقدر يعتدي عليا بالضرب أو حتي بالالفاظ وبوجه نصيحه لكل شخص في سني أو اكبر مني انزل اتمرن ونصيحه بردو ل اوليا الأمور نزلوا اولادكم النادي لو حد منهم شخصيته ضعيفه في الشارع مش بيقدر يتعامل مع الناس بسهوله خجول بزياده نزلوهم يتمرنو في نادي أو حتي مركز شباب وحاولوا تحببوهم في الرياضه وابدأ بالكونغ فو مش عشان هي الرياضه بتاعتي والله ولا حاجه بس عشان هي فعلا رياضه مهمه ومؤثره ونصيحه لاي شخص في حاول متبقاش جبان مفيش حد اقوي منك يستاهل انك تخاف منو ومش معني كلامي انك كل ما تشوف حد تدربه لا مش قصدي نحاول نتجنب المشاكل والخناقات علي قد ما نقدر بس متسبش حقك لحد واختم طبعا حديثي بالشكر لامي وابويا والكابتن بتاعي ع المجهود الجبار الي بيبذولو معايا في التمرين أو في حياتي العامه عشان هما السبب الوحيد بعد ربنا اني اقدر استعيد نفسي وثقتي بنفسي من تاني
تعليقات
اقرأ ايضا
____داخل_الرياضة_:_الصور_.jpg)
_._الحلم_والاصرار_والعزيمة_يولد_نجاح_داخل_كرة_طائرة.jpg)
