الاهلى الان / ألعاب أخرى
ألعاب أخرى
مريم الخطيب مدربة سباحة : والدتي كان فضل ليا في نجاحي داخل رياضة : الصور
اللهم اجعلني في عيني صغيرا و في أعين الناس كبيرا
مريم الخطيب
20 سنه
نادي القاهره الرياضي
كليه اثار و ارشاد سياحي فرنسي
جامعه مصر للعلوم و التكنولوجيا "MUST"
اتمرنت سباحه من وانا عندي 3 سنين
الحمدلله دخلت منتخب مصر و كنت دايما اول مرحلتي في سباق 50 100 200 بريست"تخصص صدر"
طول عمري بحب الرياضه و اكتر حاجه ناجحه فيها
كان لينا 4 بطولات في السنه "قاهره..جمهوريه..قاهره..كاس مصر"
ده غير بطولات الطويله"بطولات بحر"
تمرينا دايما الفجر كل يوم 6 ايام في الاسبوع و الجيم 3 ايام في الاسبوع
ده غير اني لعبت كره سله و تجديف و الحمدالله بنجح في اي رياضه بخشها كل ده من فضل ربي و ربنا دايما معايا...
مثلي الاعلي كان اخويا الكبير عبدالرحمن الخطيب مواليد 1998 كان نفس التخصص و اول مرحلته دايما ف كنت دايما شيفاه و هو مثلي الاعلي
كنت بشتغل من اولي ثانوي مدربه سباحه و جيم
و بدي دروس فرنسي
اكيد قابلت صعوبات كتير في طريقي من مصاريف لكلام لتعب لضغط لكل حاجه حقيقي بس الحمدلله من غير امي مكنتش وصلت للي انا فيه دلوقتي ده و بقيت بالاسم ده
ف امي هي سبب دايما و معايا و جمبي من بعد ربنا طبعا و الوحيده بت support me علي اي حاجه
الكليه انا مختاراها بارادتي عارفه انها تقيله و صعبه جدا بس بحاول اعمل توازن للكليه و حياتي عمتا
اهم نظره عندي نظره فخر امي بيا
و نظره صحابي و الناس حواليا حقيقي نظره بتفرق كتير جدا
تحس انك حاجه كبيره جدا في عين نفسك حتي و بحس باختلاف عن الحواليا
بنصح الاهالي انكم تشجعوا ولادكم حتي لو مش ابطال بس كفايه انهم مختلفين عن صحابهم و بيعملوا حاجه مختلفه و حقيقي الرياضه بتبني ثقه كبيره جدا في حياه الرياضي
الرياضه حاجه مهمه جدا و بلاش عنف في الرياضه او نبني في حياتنا عنف فيها سواء من الاهالي او الرياضي
"الرياضه مكسب و خساره"
اهم حاجه احب اشكر امي علي الي انا فيه دلوقتي لاني من غيرها مكنتش هبقي حاجه و من غير ثقتها فيا مكنتش هبقي في المكان ده
اكتر انسانه تعبت معايا و مش معايا بس مع اخواتي كمان
امي ست بي 100 راجل و تستاهل الدنيا كلها
الحمدالله علي كل حاجه و الشكر لله دايما إنه معايا و موفقني
بشكر كل المدربين الي في حياتي هما سبب رئيسي في الي بوصله اكيد..
كابتن ولاء عبدالوهاب
كابتن محمد عبدالحميد
كابتن محمد صلاح
كابتن ثروت
كابتن رامي
كابتن احمد حسين
كابتن عمرو عتش
كابتن حسن عرابي
كابتن ابراهيم عز
تعليقات
اقرأ ايضا
