الاهلى الان / ألعاب أخرى
ألعاب أخرى
كابتن شيماء حسن تتحدث عن أسباب حب رياضة عبر سوشيال ميديا : الصور
الاسم/ شيماء حسن الشيباني
مواليد /6/11/1988
السن /34سنة
أنا هتكلم من بداية معرفتي بالجيم اصلا
كنت قبل الزواج بتمرن فيه من ٢٠٠٨ وكنت لاعيبة كاراتية وانا من سن ١٠ ل١٥ سنة وانا اصلا مكنتش عايشة في مصر ولما دخلت جامعة نزلت مصر ومجال تعليمي خارج نطاق الرياضة اصلا بس كنت بنزل الجيم اتمرن عادي
ويشاء القدر واتزوج واسافر برا مصر
لكن حصل ظرف ورجعت بلادي تاني بس كنت مريضة غدة وسكر من الدرجة الثانية وأم كمان
نزلت اشتركت في الجيم تاني في ٢٠١٥
ونزلت اتمرن على الالات وكنت انسان محبط لدرجة ان صاحبتي ليها فضل كبير عليه بردوا قبلتها وقالتلي يلا تعالي كلاس الزومبا هتغيري رأيك بجد وفعلا كان أول مرة ادخل الكلاس وخرجت منه من اول ١٠ دقايق كنت تايهه المهم فضلت كدا شهر اقول ايه المجانين الي بيجروا ويتنططوا واضحك وادخل معاهم واحب الكلاسز بتاعتهم وبدل ماادخل سيشن واحد كنت تقريبا بحضر ٣ل ٤ مرات في الاسبوع لكباتن مختلفة بس zumba وأعدت سنتين بتمرن واحضر ايفنتات في امكان مختلفة لمدربين مصريين وأجانب لغايه موصلت لمرحلة اني بقيت اعرف أميز المدربين والموسيقى الي بنشتغل عليها قبل مااخد ال
certificate
ومدربيني اقناعوني ان لازم اخدها وكمان كان ليا كوتش داعم اساسي ليا هي شجعتني جدا واخدت certificates
كتير في مجال، zumba
وبقيت zumba instructor معتمدة دوليا وبقيت انزل دورات تدريبية عشان اتعلم المحافظة على الصحة والعضلات وان ممارسة الرياضة حاجة تستاهل المعافرة والكفاح وهي السبب في مكافحة الامراض وتغيير المود وتقويه عضلات القلب والرئه وتقليل مظاهر الشيخوخة وتجديد البشرة وفعليا كمدربين الزومبا (سفراء السعادة والطاقة الايجابية في الجيمات)وفعلا ببق سعيدة جدا لما بخرج من المكان وبلاقي تعليقات ايجابية للmembers
وبجد بحب اشكر بابا وماماواختى وبنتي لانهم الداعم الأساسي ليا وهما الي شجعوني ولكل الكباتن الي كانو support في ضهري دايما وان شاءالله هفضل مكملة وأطور من نفسي في التخصص الي بحبة
تعليقات
اقرأ ايضا