الاهلى الان / ألعاب أخرى
ألعاب أخرى
قصه كفاح . كابتن / غادة سعيد .. الحلم والاصرار والعزيمه يولد النجاح : الصور
غادة سعيد
25 سنة
خريجة حقوق جامعةإسكندرية
English & Art teacher
لاعبة كيك بوكسينج وبوكسينج ..
من وانا صغيرة وانا بحب الرياضة واتنقلت بين كذا لعبة من جمباز لكراتيه واستقريت فترة كبيرة فالچيم بس ..
كنت دايما بتفرج علي فيديوهات دفاع عن النفس لحد م قررت اسريش عن مكان وانزل واتمرن
كان الموضوع شوية غير مقبول ف البيت بس بابا كان اكتر حد مشجعني ، لحد م وصلت ل كابتن ندي حمدي
إنسانة ونعم الاخت والصاحبة قبل م تكون الكابتن ..
وهي وفريقي كانو من اول اسباب حبي للعبة
بدأت معاها كيك بوكسينج وبعدين هي وجهتني للبوكسينج كمان وبدأنا بطولات بفضلها بعد ربنا ..
ورغم الانتقادات الي بتتوجهلي بسبب اللعبه وأن الأغلبية شايفين انها لعبة اولاد اكتر
بس كون أن البنت قادرة توازن بين طبيعتها والفطرة الي ربنا خلقها عليها وبين الحاجه الي حابة تعملها وشايفة نفسها فيها طلاما مش بتغضب ربنا ف اكيد لازم تستمر ف دا ..
الرياضة في العموم و ممارسة اي عمل بدني محبب بالنسبة لي لان دا بيساعد في افراز هرمونات السعادة و اللي بتساعدنا نكمل و نمارس في حياتنا بشكل افضل و دا اللي لمسته و لمست تأثيره لما اشتغلت في جيم كابتن و حسيت قد ايه ممكن الرياضة تغير حياة انسان مش عشان بس بتحسن جسمه لا عشان كمان بتساعده في انه يلتزم ، يلتزم بتمرين و يلتزم بتعليمات
تعليقات
اقرأ ايضا
