الاهلى الان / ألعاب أخرى
ألعاب أخرى
شاهد| محطات قوية في حياة كابتن فيروز عوني المصري داخل الرياضة : الصور
ألعاب أخرى / الجمعة 03 فبراير 2023
فيروز عوني المصري 
طالبه بكليه تربيه رياضيه شبين الكوم 
فرقه رابعه 
كنت ف ابتدائي واعدادي بتكسف جدا ودرجاتي شبه مش موجوده وكنت شخصيه انطوائيه جدا  و جيت ف ٣اعدادي جبت درجه وحشه مجموعي ماجبش ثانوي فا اهلي قالولي ادخلي اي ثانوي صناعي مثلا وخلاص يا فيروز كنت بنهار من ان انا مدخلتش وازاي وكدا  و عملت استوب هنا وخرجت من دايره الانطوائيه دي شويه  وقولتلهم يجماعه هدخل ثانوي منازل طبعا كله اعترض بس اقنعتهم ان انا رقيبه علي  نفسي بس وكنت بجيب ف درجات صحابي العام نفسهم كانو مش بيجبوها دا حفزني اكتر المهم خرجت م الثانويه ب ٨٠٪وكانت بعد ظروف كمان 
دخلت الكليه دي غصب عني لان بابا عاوزاها وكنت تجاره اصلا 
ومحبتش اكمل في تجاره بسبب ان بابا عاوزها فا قولت ادخلها كليه وخلاص مش عاوزه اشتغل بيها والعكس حصل ان يشاء القدر اشتغل بيها من تاني شهر في الكليه لحد وقتنا هذا بدايه شغلي كنت نازله اعلم ناس صحابي ف بسين جنبنا عومات اتعلمتها في السباحه في الجامعه منزلتش تمرين انا غير شهر في  سباحه فا في كابتن ف البسين ال جنبنا شفني بعلمهم فكرني معايا ورق وعومات وكدا فا قولتلو لا قالي طب اي رايك تشتغلي معانا بقيت فرحانه اوي في نفس الوقت مستغربه ودي كانت بدايتي هنا ف النقطه دي وفعلا بدات وبدات اخد دورات وانزل شغل واعلم نفسي عومات نقصاني من غير مانزل تمرين وبعدين روحت اخدت الدورات كلها ... وطبعا ف الصيف شغل الميا بيريح اجرت مكان جيم وشغلته وب اجهزه بسيطه جدا وبعدين نزلت اشتغلت ف كذا مكان جيم وبقيت طبعا ارتب في الكليه عندي طول الاربع سنين رغم انها صعبه  جدا  و خصوصا قبلتني حاجات كتيررر رخمه وكنت بفصل واكمل وباقت ناس كتير تاخد براي وشايفاني قدوه للاولادهم وكانت الحاجه دي مفرحاني جدا وطبعا الكليه كان ليها ايجابيات كتير جدا ان اصرف ع نفسي وادخل اي مكان ابق بميت راجل واي حد ممكن يعتمد عليا عادي وان اتعامل واروح واجي ودا كان عكس شخصيتي والخطوه الجايه هتبق كلية الشرطه واكمل حلم بابا  والي بقي حلمي انا كمان 

الرياضة في العموم و ممارسة اي عمل بدني محبب بالنسبة لي لان دا بيساعد في افراز هرمونات السعادة و اللي بتساعدنا نكمل و نمارس  في   حياتنا بشكل افضل و دا اللي لمسته و لمست تأثيره لما اشتغلت في جيم كابتن و حسيت قد ايه ممكن الرياضة تغير حياة  انسان مش عشان بس بتحسن جسمه لا عشان كمان بتساعده في انه يلتزم ، يلتزم بتمرين و يلتزم بتعليمات

تعليقات