الاهلى الان / ألعاب أخرى
ألعاب أخرى
كابتن رويدا مصباح ابراهيم تتحدث عن أسباب حب رياضة عبر سوشيال ميديا : الصور
الاسم: رويدا مصباح ابراهيم محمد لاشين
السن:20
طالبه بكليه تربيه رياضيه فرقه التانية جامعه المنوفية -شبين الكوم
كليه تربيه رياضيه مكنتش في بالي خالص كان نفسي في كليه اقتصاد منزلي وابقي fashion designer بس ربنا كرمني بمجموع قليل في الثانويه العامة واتصدمت وقتها كان والدي جاي من السفر وكان نفسي افرحه بس محصلش نصيب وقولت خلاص كدا مش هدخل حاجه ومش هلاقي اصلا كليه في كان قدامي قدرات تربية .رياضية في قولت اعلمها واركنها والحمدلله اني عملتها وجاتلي وكانت قدامي هي واقتصاد منزلي بس جيالي بعيد بابا قالي خليكي ف تربيه رياضيه احسن ابتديت اعمل سيرش عليها وعرفت ان مجالاتها واسعه كشغل ودخلتها وبدأت احبها وعرفت فعلا ان دا قدر وربنا اختاره ليا وان اي كليه تانيه مكنتش همشي فيها
بدأت وخدت كورس تدليك رياضي للسيدات..
وجالي شغل كتير فالمجال بس اهلي رفضوا بدات اشتغل من وراهم ف مركز للسيدات فقط عشان اخد خبره وبعدين بقيت شغاله حره وكانت اختي بس الل عارفه وكانت support لياا ومعايا دايما ومشجعاني اني اكمل وبدأت اشتغل علي نفسي اكتر وأخد خبره من كذا مكان لاني حبيت المجال
وبعد خبرات كتير بتمني اني اسافر برا واستفيد واخد خبرات اكتر عارفه ان الطريق طويل بس بإذن الله هوصل
اخصائيه التدليك الرياضي للسيدات.
اخصائيه الاصابات الرياضيه والتأهيل الحركي.
اخصائيه الاسعافات الاوليه.
بقالي سنتين بتمرن سباحه وكنت نازله عشان الكليه وقعدت ورجعت تاني وقولت ماشتغل فالسباحه كمان ويبقي معايا كذا مجال وامرن اطفال وكملت تمرين وبقيت منقذ ومعلم سباحه معتمد من الاتحاد الدولي للغوص والانقاذ ولسه مكمله وبتمني اشتغل في نادي كبير
والرياضه لها اهميه كبيره في حياتنا وف حياه اي شخص عموما وهي بتزود الثقه بالنفس وتساعده ف تكوين شخصيته والالتزام ووسيله لقتل وقت الفراغ السلبي وبتمد الشخص بالسعاده والمتعه والإثارة وتسيطر ع الضغوطات التي تسبب القلق والتوتر..
الحياه من غير رياضه ملهاش معني وهي بدايه الطريق لحياه صحيه افضل
تعليقات
اقرأ ايضا
