الاهلى الان / ألعاب أخرى
ألعاب أخرى
قصه كفاح . كابتن / محمود تيمور .. الحلم والاصرار والعزيمه يولد النجاح : الصور
الاسم محمود تيمور محمود
السن 18 سنة
من القناطر الخيرية محافظة القليوبية
بلعب حاليا كنغ فو
بدأت العب رياضه وانا عندي 9 سنوات و بدايتي كانت في رياضة الكاراتيه في نادي القناطر الخيرية لعبت كاتا وكوميتة وبعدها شاركت في أول بطولة وحصلت على المركز الثاني في بطولة منطقة القليوبية عام 2017 وبعد كدا بدأت العب رياضه كنغ فو وانا عندي 13 سنة في أكاديمية تايجر كنت تخصصي ساندا
و بدأت العب بطولات دي والحمد لله حصلت على المركز الثالث في بطولة منطقة الجيزة عام 2019
وحصلت على المركز الأول في بطولة منطقة الجيزة عام 2020
وحصلت على المركز الثاني في بطولة منطقة الجيزة عام 2020
بعدها حصلي إصابات كثيرة جدا كان مدة الإصابة 7 شهور واتاهلت لمدة 4 شهور وبعد كدا بدأت العب رياضه كنغ فو وانا عندي 17 سنة انتقلت الي نادي اتحاد الشرطة كلمت ساندا وبعد كدا نقلت أساليب وانا حاليا بلعب أساليب اختارت الأساليب علشان انا بحبها والجهاز الفني في نادي اتحاد الشرطة بدأ معايا في تأسيس أوضاع الأساسية من الصفر والكابتن بدأ يحفظني أساليب من الصفر بدأنا نحفظ أساليب سهلة وبعد كدا بدأت احفظ أساليب صعبة وبعد كدا حاليا بدأت في تأسيس الأساليب المودرن ولسة مخلصتش تأسيس لأنها طويلة شوية و بعد كده بدأنا ندخل بطولات والحمد لله حصلت على 2 مركز اول في بطولة القاهرة للكنغ فو للأساليب التقليدية عام 2022 وحصلت على المركز الأول في بطولة الجمهورية للأساليب التقليدية عام 2022
كان مدربي في الاكاديمية والله كان علمني حاجات كثير كان بتعب معايا في التمرين وهو نصحني اني اكمل لعبة الكنغ فو هو السبب اني العب في نادي اتحاد الشرطة وأتمنى له النجاح والتوفيق في اللي جاي أن شاء الله
عمري ماهنسي امي اكبر داعمة ليا في كل حاجة بصراحه هي صاحبة فضل عليا بعد ربنا وان شاء الله الفترة الجاية اكون عند حسن ظنكم وربنا يقدرني واشرفكم في اللي جاي باذن الله
وان شاء الله احاول اجتهد في التمرين علشان اوصل الي المنتخب الوطني و دا الهدف اللي بشتغل علية حاليا وحلمي في المستقبل أن العب في منتخب مصر للكنغ فو باذن الله
واتمنى ان احقق اكثر واكثر في رياضة الكنغ فو وابقى في المستقبل من افضل اللاعبين في مصر والعالم
واتمنى من الناس تعرفني وتدعمني معنويا لأن اللعبة مفيش حد يعرفها ومفيش حد يشجعها الا القليل جدا
واخر حاجه اهم حاجة عندي الروح الرياضية رقم 1 عندي في الرياضة
تعليقات
اقرأ ايضا