الاهلى الان / ألعاب أخرى
ألعاب أخرى
قصه كفاح . كابتن سيمو محمود.. الحلم والاصرار والعزيمه يولد النجاح : الصور و فيديو
الاسم : كابتن سيمو محمود .
بكالوريوس تربية رياضية جامعة حلوان .
مديرة جيم السيدات بالنادي الاهلي فرع الجزيرة .
البداية لاعبة العاب قوي في النادي الاهلي و حققت ارقام قياسية و بطلة الجمهورية في المراحل السنية المختلفة من وانا عندي ١٠ سنين الي الدرجة الاولي .
دخلت كلية التربية الرياضية لعشقي في الرياضة و التدريب و تخصصت تدريب العاب قوي لاصبح مدربة مثل مثلي الاعلي في التدريب رحمة الله عليها مدربتي الكابتن
(نادية شريف ).
بس اتجهت للفتنس و التدريب الشخصي ابتديت في جيم سامية علوبة وهناك اتعلمت واشتغلت من وانا في الجامعة بدرس و اخدت كورسات كتير جدا في مجال التدريب الشخصي وحققت نتايج و انجازات كتير جدا فرقت في شكل و حياة اشخاص كتير .
بعدها دخلت النادي الاهلي مرة اخري للعمل في منصب مديرة جيم السيدات بالنادي الاهلي فرع الجزيرة .
انا بحب شغلي جدا و بديلة مجهود بدني و نفسي و وقت كبير و انك تكون مدرب شاطر يعني تكون دكتور نفسي و مستمع جيد و بتدي نصايح و بتحل مشاكل للاشخاص اللي بتتمرن معاك ودة مش امر سهل ابدا لانك بتتعامل بمنتهي الاحترافية في كل الاوقات يعني دائما يكون مودك حلو و بتضحك و جاهز نفسيا لجميع الاشخاص .
كانت بتواجهني صعوبات كتير جدا لاني ام لطفلين و التوفيق ما بين الكابتن و مامي مسؤلة عن اطفال مدرسة و اكل و تمارين و رعاية ك اي ام مسؤلة امر صعب شوية بس دائما كان عندي اصرار اني اكمل و اطلع اولادي ابطال و استمر في شغل التدريب مع الاشخاص اللي محتاجة مساعدة سواء في تغير نمط الحياة او الصحة عموما .
مريت بفترات صعبة ما بين الحمل و الولادة و زيادة الوزن وظروف عائلية بس دائما كنت برجع اقوي واجمد من الاول بفضل ربنا و دعوات امي ركزت ف التدريب و اني اطور من نفسي و معرفة كل جديد في عالم التدريب اشتغلت علي كبار السن وعملت تدريبات خاصة ليهم علي الكرسي في كلاس ايروبكس و السيدات ليهم نتائج و صور قبل و بعد التغير و شاركت في التدريب البدني للكثير من الابطال في الالعاب المختلفة والحمدلله فرق في مستواهم البدني وتم اختيارهم في المنتخب الوطني كنت دائما اراعي العامل النفسي و الفروق الفردية لان المدرب مثل الدكتور النفسي لاي شخص بيتمرن معاة.
التصميم هو بوابة النجاح والإصرار هو مفتاح الدخول وعلشان كده صممت واصريت اني انجح وبقي عندي لقب سفيرة السعادة اللي بحققها للاشخاص اللي بتتمرن معايا علشان اقدر اكون الجزء الايجابي في يومهم و يبقي التمرين جزء اساسي من حياتهم ميقدروش يستغنوا عنة .
وحقيقي اهلي و اصحابي ليهم دور كبير واولهم امي و بابا اولادي لانهم دعموني في بداية الطريق و وقفوا جمبي وساعدوني اخد كورسات و راعوا مواعيد عملي المختلفة ودائما امي ومازالت بتشجعني اني اكمل وان شاء الله هكمل .
تعليقات
اقرأ ايضا
____داخل_الرياضة_:_الصور_.jpg)
