الاهلى الان / ألعاب أخرى
ألعاب أخرى
تعرف على قصة نجاح مدربة جيم كاتبن مريم محمد ابراهيم محمود عبر تواصل اجتماعي : الصور
مريم محمد ابراهيم
تاريخ الميلاد ٢٧-١١-١٩٩٣
لاعبه العاب قوي سابقا ( بطلت مصر في ٣٠٠ متر عدو )
دراسات عليا في كليه تربيه رياضيه
بعد تخرجي من الجامعه اخدت كورسات كتير جدا خاصه بالتدريب الشخصي و كلاسات الفتنس
و قبل ما اشتغل ف جيم النادي الاهلي مدينه نصر اشتغلت في جيمات كتير جدا
بدأت شغل في جيمات منذ فتره دراستي في الجامعه
بحب الرياضه جدا و بحب شغلي جدا رغم أن قابلني صعوبات كتير جدا
و منها بعد زواجي حملي رزقني الله توأم و توقع الكثير من الأشخاص اني مش هكمل شغل و لكن تحملت و كملت إيمانا مني أن ربنا هيقف جنبي و هيقويني
حبي الشديد لشغلي و للنادي الاهلي استحمل كتير علشان اكمل شغل ف النادي الاهلي
و طبعا مش هنسي فضل بابا عليا أنه وقف جنبي في كل شئ و ساعدني علشان اوصل للي انا بحلم بيه و دعوات ماما ليا و مساعده حماتي ليا في اولادي
و صبر زوجي عليا ف تقصيري بعض الأوقات
الحمدلله وصلت أن أكون من اشطر المدربين ف النادي الاهلي و وصلت لنتائج كويسه جدا مع الاعضاء فرقت في شكل جسمهم و نمط حياتهم ( الجيم عندهم بقه جزء أساسي من يومهم )
بطور من نفسي ديما و هفضل أطور من نفسي و حلمي مش بيقف
بنصح دايما اي شخص أنه لازم يستمر علي لعب الرياضه و انها تكون لايف استايل مش فتره موقته لحد ما اوصل لهدفي و اقف لا احنا لازم نلعب رياضه يوميا
الرياضه اولا مفيده للصحه البدنيه و النفسيه
الرياضه بتنظم الوقت و تساعد علي التركيز
المدرب طبعا عليه عامل كبير في أنه يحبب العضو في الرياضه
في انا كمدربه. المتدربين اللي معايا بيكونو اصحابي و اخواتي و ديما بيكون في لينك تواصل. ما بينا .. علشان تقدر العضوه تحب الرياضه لازم تحب المدربه اولا
تعليقات
اقرأ ايضا
____داخل_الرياضة_:_الصور_.jpg)
_._الحلم_والاصرار_والعزيمة_يولد_نجاح_داخل_كرة_طائرة.jpg)
